إنجازات والي

عدد الزوار : 4

للشاعر: محمد الشيمي أبو زياد

اسمك والي مقامك عالي
مكانك جوّة قلوب الناس
طيبة قلبك ويّا عدوّك
قبل حبيبك ليها أساس
معدن صُنعك معدن غالي
أحلى وأغلى كمان م الماس
واللي مالهش ف حبك نايب
يبقى غريب وأكيد مش ناس
حتى الحزب اللي انت عشقته
عشقك هو ّ كمان وكمان
دا انت وضعت أساسه بقوة
بس رعيته بكل حنان
كبر الحزب وبقى أسطورة
حامي حمى الناس والأوطان
ديمقراطي مش بيطاطي
لأي معارضة وكان من كان
ربي يبارك لينا ف عمرك
ربي يزيدك م الإيمان
لما نكون بنحبك لازم
نشهد ونبارك خطواتك
ونقول أيوة وميت نعمين
ليك ولحزبك واختيارات
كل إناء هيجود بما فيه
وأنت إناءك فيه خيراتك
ليه منقولش لحزبك أيوة
وانت زرعت الصحرا خضار
وادي الريان أجمل غنوة
صحرا وصبحت أحلى عمار
فيها بحيرة سمكها ينادي
ويشهد إنك مان مغوار
فارس شاطر دايما قادر
تحمي بلدنا من الأخطار
خطر الفقر ما يوم هددنا
بعد ما زدت القمح مٍرار
تنمية شاملة وإيدين عاملة
تبني بلدنا ليل ونهار
بكل مودة شبان جادة
ملت الصحرا بالأشجار
شجر المنجة وناي وكمنجة
غنوا بفكرك ف الأسحار
قالوا يا والي فكرك عالي
فكرك سر من الأسرار
ربي يديمه ويحيى قديمه
وما يخيبلك أي قرار
دا فكرك سر من الأسرار .

كتبت هذه القصيدة في عز عز أمجاد
المرحوم رحمة الله عليه
وستبقى ذكراه خالدة بين كل المنصفين
وليس من يمتلك ذاكرة الأسماك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock