تقرير/ سمر محمد
الحب مابين ظالم ومظلوم، نشعر جميعنا بالحب تجاه شخص ما، أو مكان ما، أو حدث ما، فكثير مايقابلنا ما نحبه بطمأنتنا
أو الإستهزاء بتلك المشاعر فيظلمنا ويتمتع هو بدور الظالم، ويستغل تلك المشاعر لمنفعة له،
الحب ككلمة مجردة دون ردود فعل جميلة أما ردود الفعل فتغير من صيغتها وتشكيلها.
قومنا بإستطلاع رأي وكانت البداية مع أمنية حمدي طالبة في كلية دراسات إسلامية: كل العلاقات اللي
بتحصل مابين ولد وبنت طالما بدأت في اطار رسمي يبقي هتبقي علاقه فاشله وإحتمال نجاحها ضئيل لإن نسبة كبيرة من العلاقات الي قايمه علي الحب فشلت، ونتج عنها أكبر نسبه طلاق،
حيث في علاقات الحب بيظهرىوا أجمل ماعندهم ويستنفزوا كل طاقتهم في العلاقه وبعد الجواز مايبقاش عندهم اي مشاعر حب عشان يدوها لبعض فيحصل ملل في العلاقه
ويؤدي إلي الطلاق، مضيفة لا يوجد حالياً حب حقيقي، أغلب الحب من أجل المصلحه ومن أجل إشباع غرازه وأن من يحبك سيطرق باب أهلك.
ذكرت دينا طالبه في كلية أداب قسم دراسات إسلامية الحب حينما يطرق بابنا يشعرنا بالأمان فهو كلمة بسيطة اوي بس محتاجة كتب علشان نعرفها،
إكتشفت إن ممكن نحب من غير ما نفكر هو شخص كدا يجي يحسسنا بالأمان والسند والحب والإهتمام فنحبه غصب عننا،
الحب بيجي صدفة وفجأة بس برضوا جرح الحب صعب علي قد الحب علي قد الجرح علشان كدا دايما اسمي الحب سلاح ذو حدين يقدر يجعل انسان فرح وانسان حزين.
أضافت أمل عبدالحكم خريجة كلية تربية: الحب بين إتنين بيقدموا تضحيات وتنازلات وثقه وأمان ثم أمان ثم أمان الحب يعنى سند سبب من الاسباب صاحبك،
حب يعنى زوج صالح مايهونش عليه زعلك ولاقلبك عارف ان انتى وصية الرسول عليه الصلاة والسلام يعنى شخص بيهون عليكى كل حاجه وحشه ومش بيعقدها وفيه بينكم من التفاهم ومهما بتختلفوا مع
بعض بترجعوا أقوى من الاول وقادرين تكملوا ومش بتسيبوا فجوه للزعل بينكم حب يعنى شخص يكون ليكى فيه عشم جميل وظن مش بيخيب تخذلك الدنيا ومايخذلكيش تزعلك الدنيا كلها وهو
يراضيكى وماتهونيش عليه ابدا يعنى تحبوا بعض بكل عيوبكم قبل مميزاتكم ومتخلين شكلكم مع بعض وانتم كبار فى السن حب يعنى إخلاص وشخص مكتفى بيكى عن العالم كله يعنى شخص
بيعملك قيمه وبيحاسبك على تقصيرك في حق ربنا وعارف يعنفك امتى ومايحاسبكيش قدام حد نهائى مهما غلطتي كل دا بيتوفر فى شخص قادره تطمنى
معاه على دينك أولا وكل حاجه تخصك وفى النهايه الحب علاقه متبادلة من كل دول غير كدا تكون انانيه لو طرف واحد اللي بيقدم كل دا.
وأكدت كريمه محمد طالبه بكلية التجارة : الحب دا اجمل شيء في الوجود بس عندما يكون حب صادق ونقي وفي إطار محدود من المعاملات حتي تتم عملية الخطبة فلكن لا يوجد من يعرف ما هو الحب
فالعلاقات الناشئة كثيرا ما تكون مليء فراغ فقط فهي لا تدوم وسرعان ما تنتهي بالوجع ومن رأيي الخاص أن علاقات الحب أغلبها مؤلمة لحرمانيتها
فمن تعلق بغير الله اذاقه الله مر التعلق ولا يوجد شيء احلي من الحلال فإن الله يبارك فيه.