تسجيل نادر لتوفيق الدقن يحكى اسباب دخوله السينما 

تسجيل نادر لتوفيق الدقن يحكى اسباب دخوله السينما 

 

كتبت : سلمى عصام 

 

فى تسجيل نادر للفنان الراحل ” توفيق الدقن ” مع الصحفى الراحل يوسف خليفة فى أواخر السبعينيات ، سأله عن ممارسته رياضة البوكس وهل كانت سببا فى لعب أدوار الشر ؟ أجاب توفيق الدقن : ” هى كانت عامل مهم جدا .. ده سؤال وجيه .. ونفسى من زمان أقوله .. انا اتاخدت فى السينما مش عشان قدرتى الفنية .. أنا قدرتى الفنية يمكن بدأت فى السنوات الأخيرة ويمكن لسة حتى مستغلتش لغاية دلوقتى .. أنا خدونى عشان انضرب .

 

واستكمل الدقن : ” عشان انضرب انا ورشد أباظة .. خدونا عشان الابطال يضربونا .. مرة جابوا لى الضيف أحمد عشان يضربنى عشان بطل .. أيوة عشان يضربنى أنا وخدونى السينما عشان انضرب .. عشان اسوق عربية أقع بيها .. عشان البطل يخطف البنت ويجرى ماكنش يجبونى عشان التمثيل .. إلى أن اثبتنا وجودنا واحدة واحدة بأدائنا .