حصرى…ماراثون الثانوية العامة ونصائح الدكتور أحمد علام خبير العلاقات الأسرية 

0 0

 

حوار: مروة مصطفى

ينطلق خلال الساعات القادمة ماراثون الثانوية العامة والذي يعد الاهم داخل الأسرة المصرية هذه الفترة نظراً لانه يحدد مصير طلاب ومستقبلهم، وفي هذالشأن يوجه الدكتور أحمد علام بعض النصائح لطلبة الثانوية العامة قبل بدأها غدا

وفي أول نصائحه تحدث قائلا “الثانوية العامة هذا العام تعتبر حالة غريبة على المجتمع المصرى كله، أغلب الناس الموجودة في الوقت الحالى لم يرو الأوضاع التى نعيشها فما بالنا بالثانوية العامة وهم صغار السن، الثانوية العامة لوحدها بتعمل ضغط عصبي فما بالك النهاردة الثانوية العامة والكورونا ممكن تكون عاملة ايه، علشان كدا الى احنا بنطالب بيه والى بنوجهلهم النصائح في الأساس هم أولياء الأمور”.

وأضاف” لازم نرسل حاجتين مهمين جدا علشان طالب الثانوية العامة يستطيع أن يجتاز الإمتحانات بنجاح وبتوفيق وبدرجات عالية وهما التركيز والهدوء”.

الهدوء هنوفره في البيت لطالب الثانوية العامة ونوفره خارج البيت من خلال الدولة وهي اصلا موفراه لهم ونقول لأولياء الأمور لا تحملو هم ، برة البيت الترتيبات والحاجات دى كلها هما هيوفرولك أفضل ترتيبات ممكنة.

كما ذكر قائلا: أن الدور الذي على الطالب أن يذاكر ويجتهد ويبقى عنده هدوء وتركيز لأن اى إنسان متوتر بيبقى صعب عليه جدا أنه يسترجع دروسه او يسترجع أى معلومات أو يستدعيها بسهولة، علشان كدا بنقول أهم حاجة عندنا الهدوء والتركيز ومهم جدا أن نوفر للطالب الأكل الصحي والمفيد والذي يتناسب مع طالب الثانوية العامة، فنوفر له أكل صحي ونوفر له بعض الأطعمة التى تخلق نوع من جو السعادة ودا بشهادة العلماء مثل المكسرات والشيكولاتة والبيتزا والجاتوهات بقدر بسيط ومش محتاجين نعملها بكميات كبيرة ولا بمبالغ طائلة وتقدر ست البيت تعملها في البيت.

 

وأضاف ” مهم جدا نقول لطالب الثانوية العامة متغيرش يومك علشان بالنسبالك إستدعاء المعلومات هيبقى صعب فمحتاج تنام نوم منتظم وتنام فترة الليل واستيقظ بالنهار لإن الإمتحان هيكون بالنهار فلو عودت نفسك إنك بتمتحن بالنهار هتعرف تستدعي المعلومات وهيبقى عندك كم من التركيز وإستدعاء المعلومة في النهار فسهل عليك تستدعيها وقت الإمتحان، أما الطالب الذي ينام بالنهار ويذاكر بالليل إستدعاء المعلومات هيبقى صعب عليه في الإمتحان وكمان ممكن يجي مطبق ودا طبعا هيأثر على تركيزه فمحتاج ساعات نوم منتظمة ويكون النوم بالليل والاستيقاظ بالنهار ونوفر جو من الراحة والطمأنينة ونتكلم بشكل فيه مرح وهزار ودا كله مطلوب من أولياء الأمور أنهم يعملوه ومطلوب من الطالب ان يعمله .

 

وتابع ” هناك حاجة ثانية مهمة للطالب وهي: أنه يركز في كل إمتحان على حدة ومينفعش يقول أصل انا عملت وحش في دا فكل حاجة طارت يبقى أنا كنت داخل أجيب طب وهندسة يبقى أنا مش هجيب فلازم نقوله أنت آمالك وطموحاتك تتوقف النهاردة وابدأ من بكرا مرحلة جديدة كل خطوة بخطوتها وكل مرحلة بمرحلتها وسيب كل حاجة على ربنا وياما ناس في كليات القمة رسبو ومطلعوش الحاجة الى عايزينها وياما ناس في كليات تانية تفوقو ونجحو وبقو من المسؤولين ومن المشاهير ومن الى حياتهم مستقرة نفسيا واجتماعيا وماديا وكل حاجة فبالتالى دى كلها بعض النصائح الى ممكن نقولها لطالب الثانوية العامة.

اترك رد

لن يتم نشر عنوان بريدك الإلكتروني.

*

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول