فيروس كورونا وبعض القرارات بشأن ايام عيد الفطر

شارك

نور عباس

نرصد في هذا التقرير بعض الآراء في عيد الفطر و هل يوجد حظر تجول؟ :

قال المهندس احمد علاء
اللى احنا وصلناله ده واللى لسه هنوصله مصيبه كبيرة ومش بسبب الشعب بس لا والحكومة كمان .. من ناحية الشعب ف ٨٠ فالميه من الشعب عنده تخلف وقلة وعى ويكاد يكون منعدم ومش حاسين بخطورة الوضع والمشكلة ان الفيرس مش هيقتصر على الشخص المعدى بس لا ده وباء وعدوى هتنتشر اسرع كل ما نهمل ف نفسنا .. حقيقى احنا ف كارثه ومش مدركين اللى بنعمله ف نفسنا
ومن ناحيه تانيه الحكومة مش واخده قرارات صارمة صح او فاكره انها كده مسيطرة عالوضع وده مش صح .. اه عاملين حظر تجول وبيقفلو المحلات بس مين بقا بينفذ القرارات دى !! الحظر معمول والناس بتنزل برضو وقرار غلق المحلات التجاريه نازل وبرضو المحلات فاتحه .. م الاخر مفيش حزم وربط مفيش سيطرة عالموقف .. اتمنى يكون فى عقوبات شديدة زى الدول المتقدمة اللى بره لازم يسيطرو عالشعب صح .. بالرغم من ان اصلا المفروض الكلام ده يكون جاى من الشعب نفسه والدافع يكون داخلى بس هنعمل ايه جهل ومفيش ثقافه ..
بطالب الحكومة بتشديد الوضع اكتر والسيطرة عالشعب والاهم من ده كله فرض الابحاث على كافة السنين الدراسيه ونبطل فشل بقا

قال الدكتور أحمد جمال
انا غير مؤيد للقرار ده بالتأكيد لعدة اسباب منها :
١-ان كدة احوال الناس كلها هتقف وممكن ناس كتير تخسر شغلها بسبب كدة
٢-وكمان من الناحية العلمية ده مش حل سليم لان كدة انت بتأجل انتشار الفيرس مش بتمنعه ف بالتالى القرار ده ما ينفعش ف دولة زى مصر مش بتدى اعانات بطالة للناس اللى مش بتشتغل
٣- اللى اهم من الحظر كمان هو اتخاذ اجراءات وقائية كويسة لحماية الناس من الفيرس

قال الأستاذ أحمد محمود
من المتوقع ان هيبقه فى حظر جزئى نظرا لانه العيد واحد الشعائر الاسلامية لاكن بسبب ان الحالات كانت فى زيادة غير طبيعية فكان من المتوقع و بنسبة 99،99٪ انه هيبقه فى حظر كلى لمنع الاختلاط استنادا الى الى حصل يوم شم النسيم تم فرض حظر كلى منعا للاختلاط و هذا ماحدث بلفعل فى اجتماع مجلس الوزراء اليوم كانت قرارت السيد رئيس الوزراء كانت غلق المحلات و المطاعم ووقف حركة المواصلات للحد من تجمع الناس و انتشار الفيرس فده كان قرار متوقع من مجلس الوزراء بفرض الحظر

قال المهندس احمد علي
من وجهه نظري اه المفروض يكون في حظر تجوال كامل فالعيد حاليا احنا وصلنا ١٢٠٠٠ مصاب فا لازم الدوله تاخد اجراء الحظر الشامل فالعيد لمنع التجمعات و ان الناس تخرج و الناس تسافر فالعيد كل ده هيعمل اختلاط و هيتسبب اكيد في زياده اعداد يعني فا انا شايف ان الحل حظر كامل فالعيد

قال الدكتور محمد سمير
الحظر المفروض كان يبقي حظر كامل من البدايه مش في المناسبات فقط مفيش حاجه اسمها وعي الشعب. بلاد كتير عدد إصابتهم اقل مننا و عاملين حظر كامل بس مصر اهم حاجه عندها الاقتصاد

اضف رد

لن يتم نشر البريد الإلكتروني . الحقول المطلوبة مشار لها بـ *

*

*