ندى شبل مؤسسة ستارت اب ناي NAI للمحايد: الموضوع بدأ بالصدفة لما كنت عاوزة اشتري لحد هدية

ندى شبل مؤسسة ستارت اب ناي NAI للمحايد: الموضوع بدأ بالصدفة لما كنت عاوزة اشتري لحد هدية
ستارت اب ناي NAI

بدأ رواد الأعمال منذ فترة بالظهور وبدأت تتصاعد شركات ومجموعة من الـStartUps وتظهر في الساحة. ولكن كان معظمهم تقليدي بدون تميز أو أختلاف. أما بالنسبة لستارت اب ناي NAI موضوع مقالتنا فكانت مختلفة تمامًا، فلم نسمع عنها مُسبقًا ولم نراها إلا من خلال مؤسسة هذا العمل ندى شبل.

المكرمية في بادئ الأمر

قبل أن نستعرض حوارنا مع مؤسسة ستارت اب  ناي NAI – ندى شبل لنوضح ما هو المكرمية. كلمة “مكرمية” هي في الأساس كلمة أسبانية الأصل تم أشتقاقها من الكلمة العربية “مقرمة”. فوصل فن صناعة المكرمية إلى إيطاليا وإسبانيا بعد الفتح الإسلامي ثم توسع انتشاره في أوروبا. وكانوا البحارة يقومون بصناعة المكرمية وتزيين سفنهم سواء كانت الأدوات التي في الداخل مثل السكاكين أو السفينة نفسها. كما يصنعون بعض المكرمية الآخر ويقومون ببيعه أو مقايضته عند الوصول للشاطئ وبذلك انتشر فن المكرمية أكثر. وتعتبر هذه الأعمال اليدوية شكل من أشكال الصناعات النسيجية والتي تستخدم العقد بدل من الغزل أو النسج.

 

ستارت اب ناي NAI وكيف بدأت مؤسسة ندى شبل

بدأنا الحوار بالتساؤل عن ١- كيف جاءت تلك الفكرة الغريبة والغير متداولة على عقل ندى؟

وكانت الإجابة: “كنت عاوزة اشتري لحد غالي عندي هدية وكان نفسه جدًا في مكرمية بس لما سألت عن سعر المكرمية لاقيته غالي جدًا. بس وكنت حاسة وقتها إنها بسيطة وسهلة اوي ومش محتاجة كل ده، حتى شفت إني ممكن اعملها عادي جدًا. خصوصًا إني بحب أعمل الحاجات الهاند ميد جدًا من وأنا صغيرة. وكنت دايمًا بعمل حاجات هاند ميد زي كرافتس وحظاظات وأكسيسوريز وحاجات زي كده. وكانت دايمًا الناس اللي حواليا بتقولي إني فنانة وكرياتيف وده لما افتكرته شجعني أكتر على اللي أنا بعمله وخلاني أحس إن الحاجات دي مناسبة ليا”.

٢- بداية تعلمك للمكرمية؟ 

“بالصدفة وأنا بدور على يوتيوب لاقيت صورة لنفس المكرمية اللي الشخص ده كان نفسه فيها. ونزلت بالفعل اشتريت خيط بس كان مختلف شوية عن خيط المكرمية واتفرجت على الفيديو كان مدته ساعة ونص. ولكن خد مني يومين بعمل فيه وديتها للشخص ده وكانت هدية لطيفة جدًا. ومن بعدها بقيت اتعلم المكرمية لما لاقيت الموضوع لطيف واشتريت الماتيريلز بتاعته من خشب وما إلى ذلك”.

مؤسسة ناي NAI
ناي NAI

٣ – هل كانت للكلية تأثير على المشروع؟ 

“لا، أنا اتخرجت من كلية تجارة إنجلش حلوان مكنش ليها علاقة نهائيًا بالهاند ميد أو المكرمية”.

 

مشاكل بداية أي بيزنس والخطط المستقبلية

في بداية ومن قبل بداية أي بيزنس أو مؤسسة ممكن

يواجه مشاكل ومعوقات في إنشاءه، ٤- المشاكل والمعوقات كانت تظهر بأنهي شكل بالنسبة لندى في ناي NAI؟ 

“أول حاجة من المشاكل اللي واجهتني هي الخوف من إني أخد الريسك بالأخص. تاني حاجة هي إني معنديش رأس مال هو لحد دلوقتي مفيش رأس مال بس كانت بالفعل دي مشكلة عندي في الأول. فكرة إني مش عارفة هسوق إزاي المنتجات وهتوصل إزاي.

بس طبعًا كل المشكلات دي كانت في الأول بس مع أول خطوة قلبي جمد. وأصبحت بعمل حاجات كتير أنا كنت بقول إني استحالة اعملها”.

٥- هل عندك خطط مستقبلية لناي NAI؟ 

“عندي خطط كتير لدرجة إني مش قادرة ارتبها وفي أكتر من حاجة عاوزة ادخلها في الـStartUp ده. يعني مثلًا في البداية كنت بعمل مكرمية بس دلوقتي زودت عليه مراية وبعدين زودت ميدالية وشنطة وهكذا. ففي بالفعل أكتر من حاجة نفسي أعملها زي مثلًا أدخل المكرمية في الـHome Decoration وكمان ادخله في الـWedding & Event Decorations”.

 

نصائح بالنسبة لكيفية تعلم عمل المكرمية وبالنسبة للـStartUps

٦- نصايح ممكن تقدميها لأشخاص حابين يتعلموا المكرمية:

“يوتيوب موجود فيه كل حاجة اي حد محتاج يتعمل حاجة بكل العقد والمشاكل وكل حاجة فيه مثلًا Do it yourself. ولكن طريقة التعلم هتختلف من شخص لآخر فمثلًا لو شخص مبيعرفش يقرأ ويكتب أنت هتبدأ تعلمه الحروف الأول أ ب ت.. ولكن ممكن شخص تاني يبدأ يعمله أسمه نفترض اسمه أحمد هيبدأ يعمله الأربع حروف “أ ح م د” دول الأول وهكذا. أنا بدأت اتعلم بإني اقلد الفيديو في كل حاجة وبعدين حفظت الطريقة وبقيت بعملها بطريقتي وأسلوبي”.

٧- من وجهة نظرك بتتمثل بإية الاحتياجات الأساسية لأي ستارت اب؟

“١- لازم الشخص يكون عنده صبر وطولة بال دي بتكون أهم حاجة عشان يقدر يبدأ ويعدي المشاكل اللي ممكن تواجه.

٢- محتاج أكيد رأس مال.

٣- خلفية حتى لو كانت بسيطة عن إزاي نمسك بزنس وهتتعامل إزاي والتسعير بتاع المنتجات اللي بتقدمها هيكون على أي أساس.

٤- لازم يكون عارف على الأقل أ – ب تسويق.

٥- يكون الشخص بيحب الحاجة اللي بيعملها ومش منتظر منها مقابل مادي في نفس الوقت. وده لأنها بتجيب فلوس على المدى البعيد”.