أعلنت الفنانة المعتزلة والإعلامية ميار الببلاوي عبر حسابها على موقع التواصل الاجتماعي (فيسبوك) تعرض نجلها لأزمة صحية .
حيث كتبت (إيه ده إيه الدنيا دي إيه الناس دي الواحد عايش في كوكب لوحده مالوش حد ولا بيفرق مع حد كله بيقول يللا نفسي وليه مصلحة عندك يعملك نفسه مروحة ولو ملوش متلزموش ودي كلمة ست طيبة لقيتني ببكي في المسجد بتاع المقابر وقالت لي دموعك غالية وفريها الجايات كتير والله استغربت كلامها وكأنها بتأهلني للي جاي).
حيث تعد تفاصيل مرض نجل الفنانة ميار الببلاوي من أكثر العبارات البحثية التي تصدرت قائمة ترندات السوشيال ميديا خاصة بعد أن استغاثت الفنانة ميارالببلاوي أمس على موقع فيسبوك بإصابة نجلها بجرثومة في المعدة ربما تمنعه عن امتحان آخر مادة في كلية سياسة واقتصاد.
وقالت ميار الببلاوي (الدكتور طمنني وقاللي ابنك عنده مرض في فيروس في المعدة وبيخف بعد 3 أيام ولكن أعراضه كانت صعبة وكان يهمني إنه يروح الامتحان لأنها آخر سنة لكن لما شفت حالته صعبة قلت يا رب ابني يقف على رجله).
وكتبت ميار الببلاوي عبر حسابها الخاص على فيسبوك (بجد عاجزة عن الشكر وربنا ما يحرمني منكم ولا من دعاؤكم ..ابني خلص امتحانه ودعائي وداعؤكم وإحساسه بيا وقبل كل ده رب العالمين يرسلوا الامتحان يمكن أقل من اللي كنت عوزاه بس أكتر من اللي كنت متوقعاه اللهم لك الحمد).
تطورات الحالة الصحية لنجل ميار الببلاوي
وقالت ميار الببلاوي (الحمدلله ابني راح الامتحان أصحابه جم ومسندينه هو كل حاجة ليا في الدنيا لأن فقدت والده وهو عنده سنتين ومن بعد وفاة ماما وقلبي دايمًا مقبوض خاصة إنها تعبت نص ساعة وماتت).
ودخلت ميار الببلاوي في حالة من البكاء مرددة (الحمد لله فضل ونعمة من ربنا هو اتحسن بس قلبي واجعني عليه ماكنتش قادرة أشوفه وهو مش قادر يقف على رجله).
وتابعت (الدكتور بيعالج ابني في البيت وعلقله محاليل لأنه بيعاني من مشكلة في المعدة والدور منتشر بين جيله ومن المقرر إنه يتحسن خلال 3 أيام فقط).
ميار الببلاوي تمر بأزمة نفسية
وكانت قد أعلنت الفنانة والإعلامية ميار الببلاوي عن مرورها بأزمة نفسية شديدة وطلبت من جمهورها ومتابعيها الدعاء لها حيث كتبت عبر الفيسبوك (من امبارح مخنوقة وقلبي مقبوض جدًا وماليش نفس لأي شغل نهائي ولا عاوزة أرد على حد ولا على الموبايل ومتخانقة مع جوزي وابني عنده امتحانات بس بردو مدايقاه ومش فاهمة فيا ايه وعمالة أعيط).
وأضافت (مش قادرة أتحرك عشان رجلي وعمالة استغفر ربنا وأقرأ قرآن واصلي بس مش طايقة أكلم حد ولا حد يكلمني ومع كدة حاسة بوحدة فظيعة وبرد من جوة قلبي مفيش حاجة ليها طعم باكل عشان ابني باكل بس مفيش أي متعة أو فرحة).
وتابعت (لكن بقالي كم يوم في حالة ربنا ما يحكم بيها على حد حتى برنامجي وحلقة بكرة ماليش نفس خالص ومش طايقة شغلي وكل ما حد يكلمني عن ريفيو اعتذر جيت أصور رجلي اتلوت البيت يضرب يقلب ولا عايزة أنضف ولا أطبخ ولا أغسل ولا عايزة أخرج خالص من أوضتي تحديدًا وكأن بيتي أوضة واحدة وبجهز للمعرض بتاعي والناس بتكلمني أعيط وماردش حتى رحت لماما وشكيتلها بس مرتحتش فيا رب ادعولي بالله عليكم).
وقد سبق وأعلنت الإعلامية ميار الببلاوي عبر حسابها على فيسبوك تعرضها للإصابة في قدمها تشتبه فيه بأنه كسر مطالبة جمهورها ومتابعيها بمساعدتها في التصرف في الواقعة خاصة أن طبيبها الخاص غير موجود.
وكتبت وقتها (لله الأمر من قبل ومن بعد رجلي وأنا خارجة من القناة اتلوت وشكلها انكسرت ورمت وازرقت وألم لا يحتمل المشكلة مش قادرة أحركها وش رجلي كأنه نار حد يعرف أعمل ايه النهاردة الجمعة ودكتوري في الساحل راجع بكرة بالليل).
إصابة قط ميار الببلاوي
وأعلنت الإعلامية ميار الببلاوي في وقت سابق عن إصابة القط الخاص بها بوعكة صحية شديدة ونزيف مستمر بسبب وجود حصوة على الكلى لديه وطالبت الجمهور بالدعاء له بالشفاء العاجل.
ونشرت ميار الببلاوي صورة للقط عبر حسابها على فيسبوك وعلقت (صباح الخير دا روني القط بتاعنا أنا وابني حاجة زي العسل بنحبوا أوي وأكيد في ناس هتتنمر وتقول عليا تافهة بس اللي بيربوا حيوانات أليفة هيحسوا بمدى تعلقي أنا وابني بيه).
وطلبت من جمهورها الدعاء له فكتبت( ادعوا له ربنا يشفيه هو روح خرسا مش عارفة تعبر عن ألمها بس بينزف دم والدكتور قال حصوة على الكلى فيه إمرأة دخلت النار في هرة الإسلام بيحث على العطف على الأرواح دي).
وتابعت الببلاوي (أنا هتجنن عليه طول الليل تعبان الرعاية البيطرية في مصر معدومة يارب اشفيه أنا روحي فيه أوي).
وطالب الجمهور بنشر صورة جديدة وعلقت عليه قائلة (أنا حطيته كدة عشان اصوره ولكن أنا مبنزلوش من على حجري يا إما محمد شايله والله غلبان أوي وبصته وهو بيتألم بتقطعني).
جراحة دقيقة لميار الببلاوي
وكانت قد تعرضت ميار الببلاوي لأكثر من وعكة صحية وكان آخرها عملية جراحية لاستئصال الرحم حيث أعلنت على فيسبوك قبل دخولها العمليات من خلال فيديو خضوعها لعملية جراحية دقيقة رافضة الإعلان عنها لكنها طلبت من جمهورها الدعاء لها بالشفاء.
كما تعرضت ميار الببلاوي من قبل لأزمة صحية حيث سقطت (ضلفة) الدولاب على قدمها مما سبب لها كسر في 4 أصابع بالقدم.