هو أزرق فاتح ولا غامق ؟

هو أزرق فاتح ولا غامق ؟

كتبت: مي عبده

“إنك لا تستطيع أن ترى إلا بفقدان البصر، ولا أن تعرف إلا بعدم المعرفة ولا أن تفهم إلا بالضلال”

الحرية كمفهوم عام بالنسبة لي شوية مربك كان،

وإلي الآن مازال بيتكسر واحدة واحدة ليا

(الحرية هي درجة من كل اختيار وفعل)

عاوزة اوضح دي عن طريق مثال:

في الصورة هنا درجات للون الأزرق

الحرية بتيجي منين؟

أو هتلاقي معاها دائما جاي في الطريق ايه؟

الحرية والجدل

اسرح كدة قد متسرح وافتكر مواقف/ وقائع انت قررت تكون فيها حر طليق

مصاحبهاش شوية وش كدة

شوية مقاوحة/ مقاومة

شد وجذب

مع حالك في الأول ثم مع دايرتك الصغيرة أو محيطك الكبير الواسع والخ

اهو هنا فعل واختيار وهنا تكون الحرية

انت اخت من درجة اللون اللي مناسب معاك

وسمعت واتسمعت

اترددت وقررت

الحرية درجات ومفيش ولا درجة تشبة التانية

“إنك لا تستطيع أن ترى إلا بفقدان البصر، ولا أن تعرف إلا بعدم المعرفة ولا أن تفهم إلا بالضلال- ايكهارت”

من فترة حضرت محاضرة مضمونها جاء لي ضربة في مقتل، موضوع كان حساس للغاية وفي كلام كتير ومحتاج مستوي من الفهم والوعي عالي جداً.

شيء كدة اللي هو ممكن من خلاله تعيد حسابات كتيرة جداً

الحمدلله كان عندي الفرصة أن اتحاور بسلوك جدلي جدا مع المحاضر

أنا أوصلت له ما استقبلته من محتوى وكيف أشعر وكيف أن عندي استفسارات كتيرة عند الكثير من المضمون

وكنت داخله بشكل غير واعي

على شكل:

أنه لا اكيد في نقطة وصل بس هو أكيد ماحدش باله

بصيت فالتعليقات ليقت الله الله اهوو اهوو مش لوحدي

جميل ؟

جميل ..

هو عرض وجهة نظره بشكل لائق معايا

وفضلنا لوقتنا هذا في باب مفتوح كل ما ألقى نفسي بدور حوالين النقطة دي نناقش فيها

احنا عارفين أن دا اسمه اللون الأزرق

إنما كل واحد منا قرر اختيار درجة مناسبة وملائمة له حسب مقدرته الحالية وما ترتب عليها من آثار الحياة

الجدل تحرر

الجدل مش اتفاق بين اتنين

الجدل حرية واحترام

ونقاء وتحرر للعقل والروح والجسد