كشف الفنان سيد رجب، خلال لقائه في برنامج “كلام في سرك”،عن سبب دخوله إلى عالم الفن.
وقال:”أنا كنت صغير ومكنتش لسة عارف عايز أعمل إيه بس كان في واحد صاحبي الله يرحمه،قالي احنا بنعمل فرقة مسرح تيجي معانا..وروحت لاقيت واقع غريب جدا عليا”.
وأضاف عملنا مسرحية أسمها “حكاية بلاد نمم”، كانوا الناس بياكلوا بعض في المسرحية ، وكنت بقول كلمة واحدة بس اللي هي”حاضر”،
وفي الاخر بتاكل بس طبعا كنت مبسوط جدا وفرحان”.
وأكمل:” واحد من الجمهور قالي بعد المسرحية، على فكرة انت ممكن تبقى ممثل كويس اوي، وانا فرحت اوي ومن رد فعل الراجل ده ومن رؤيتي للواقع اللي أنا شوفته لأول مرة في حياتي ده،
حسيت في لحظة إني لاقيت حياتي أو المكان اللي المفروض أكون فيه،ومن اللحظة دي مسبتش المسرح ولا التمثيل،
لغاية دلوقتي ولو مكانش صاحبي ده الله يرحمه قالي تعالى معانا، مكنتش هبقى ممثل دلوقتي”.
مسلسل أبو العروسة
ويذكر أن، آخر أعمال الفنان سيد رجب، مسلسل “أبو العروسة الجزء الثالث”،بطولة سوسن بدر، مدحت صالح، نيرمين الفقي، محمود حجازي، ولاء الشريف، خالد كمال،
محمد عادل صفاء الطوخي،كارولين عزمي،أحمد صيام وهو من تأليف وإخراج هاني كمال.
وجدير بالذكر أن، سيد رجب، شارك مؤخرا في مسلسل ” المشوار”، الذي تم عرضه في شهر رمضان الماضي 2022،
بطولة النجم محمد رمضان، دينا الشربيني،بالإضافة إلى عدد كبير من النجوم وهو من تأليف محمد فريد وإخراج محمد ياسين.