تفاصيل قصة خلاف شيرين عبد الوهاب مع الشاعر بهاء الدين

تفاصيل قصة خلاف شيرين عبد الوهاب مع الشاعر بهاء الدين

أثارت المطربة شيرين عبد الوهاب، حالة من الجدل الواسع خلال الأيام الماضية،  على مواقع التواصل الإجتماعي.

وذلك بعدما صرحت شيرين عبر حسابها الخاص على موقع الصور و الفيديوهات إنستجرام،بندمها الشديد على أغنية “ماتجرحنيش”للشاعر بهاء الدين محمد،

مما أثار غضب الشاعر بهاء الدين وقرر الهجوم عليها بسبب هذه التصريحات.

موعد عيد الأضحي 2022 وعدد أيام الإجازة 

بداية الخلاف بين شيرين والشاعر بهاء الدين

بدأ الخلاف بين شيرين عبد الوهاب والشاعر بهاء الدين، عندما وجه لها أحد متابعيها، سؤالا عبر حسابها على موقع الصور والفيديوهات إنستجرام، عن” أغنية ندمت على تقديمها”لترد قائلة:” أغنية ماتجرحنيش للشاعر بهاء الدين محمد”.

مما أغضب الشاعر بهاء الدين وقرر الرد عليها بطريقته الخاصة عبر حسابه على موقع التواصل الإجتماعي فيسبوك.

الشاعر بهاء الدين يرد على تصريحات شيرين عبد الوهاب

كتب بهاء الدين:” مش متعود أرد على أي حد..ولكن لما حد يتجاوز حدوده، لازم يقف مكانه ويعرف إنه مهما اتعود يغلط لازم بيجي عند بعض الأسماء ويحاسب ويخلي باله، وخاصة لما حد في كل كارثة يدافع عنها!!!”.

وقال:”وحاتكلم بإختصار جدا، “المشهد الأول”..أول يوم دخلت شيرين عبد الوهاب مكتبي كانت مع الاستاذ نصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه، ردت علشان أنا قاعدة مع الأستاذ بهاء!!!”.

وأضاف:” المشهد الثاني..رشحتها تغني كتير بنعشق ولولا موافقة نصر، احتراما للعشرة اللي بينا مكانتش حتغنيها لأنها كانت موقوفة من النقابة”.

وتابع:” المشهد الثالث..لما فوجئت بمدير أعمالها الرجل الله أنا بحبه وبحترمه لقيته بيكلمني نيابة عنها،

ويقولي سمعني الجديد وده طبعا خطأ لأن اللي بيغني مهما كان اسمه مش المفروض يغلط غلطة زي دي!!! لأن المشهد ده مش لايق على المشهد الأول”.

وأكمل:” المشهد الرابع والأخير..أغنية ما تجرحنيش أنا لحد الآن مش عاجبني غنا شيرين مع احترامي الكامل لصوتها وأكيد لولا الأستاذ نصر مكانش حيتم اللقاء،

وما تجرحنيش من أهم أعمالي ومن حقي أدافع عنها نتاج تهور اللي غنتها وكمان لأول مرة الاقي حد بيحارب نفسه وبيغلط في مبدعين اشتركوا في صناعته!!!

وعشان أكتب الكلام ده تبقى شيرين غلطانة كالعادة بس كان لازم أقولها ما تعملش كدة تاني وانتي بتكبري بس مش حاتعدي حدود حجم بعض الأسماء ولا أعمالهم”.

بهاء الدين يستمر في التعبير عن غضبه من شيرين

واستمر الشاعر بهاء الدين في التعبير عن غضبه، حيث كتب  رسالة عبر حسابه على موقع التواصل الإجتماعي فيسبوك،

قائلا فيها:” الناس اللي بتبقى غلطانة غلط كبير وعشان قولنالها عيب..تشغل وتستخدم لجان تشتم وتغلط وتلعن بأحد بأقذر الألفاظ..

الناس دي المفروض مانسلمش عليها طول العمر والواحد يندم على إنه كتبلها ولو سطر واحد ..بس أنا ح أرد بنجاح اللي يستاهلوا النجاح”.