محمد السمري في حوار خاص للمحايد: بحلم أكون من أكبر فنانيين الديجيتال في العالم

محمد السمري في حوار خاص للمحايد: بحلم أكون من أكبر فنانيين الديجيتال في العالم

محمد السمري شاب تألق في نوع جديد من الرسم منذ صغره، نوعاً يحتاج إلى الكثير من الإبداع والدقة للقيام بيه وهذا النوع هو فن الديجيتال أو مايعرف بالفن الرقمي، ويتم عمل الواحه عن طريق برنامج الاليستريتور أو الفوتو شوب ب أداة البن التول أو البرش، عن طريق رسم خطوط لتكون شكل فني مميز.

1/ عرفنا بنفسك؟

“انا محمد السمري، من دسوق محافظة كفر الشيخ، عندي 19 سنة، بدرس ف كلية الآداب جامعة كفر الشيخ قسم الجغرافيا “.

2/ متى بدأت إكتشاف حبك للرسم، وكيف تم تطور مستواك الفني؟

” بدأت ارسم من سنة 2016 بس للأسف تركت الرسم فترة كبيرة وبعدها بدأت من تاني في سنة 2019 ارسم واطور من نفسي بقدر المستطاع، و كانت بالنسبالي بداية كويسة جداً،و بدأت اشتغل ع نفسي  فيها واتطور من خلال متابعتي لليوتيوب وشوية وبعد كدا بدأت اعتمد علي نفسي في تطوير مستوايا “.

3/هل قام الأهل والأصدقاء بتشجيعك فى بادئ الأمر ؟

” في أول الأمر  كان بيشجعوني أهلي وأصحابي، بالإضافة إن مدرسين الثانوية العامة أدركو إني موهوب بجد و برسم كويس اوي لما عملتلهم بوستر مخصوص ليهم و بعدها أشادوا ليا وللكل بإن البوستر جميل جداً جداً بالنسبة لحد لسه طالب مرحلة ثانوية زيي “.

4/ للرسم أنواع متعددة، فأي نوع أنت تمارسه؟

” رسم الديجيتال أو ما يعرف بالرسم الرقمي”.

5/هل سبق لك المشاركة في أحدى  المسابقات أو المعارض الفنية؟

” شاركت في معرض  white rose 3 الذي اُقيم في الإسكندرية الفترة الماضية وتم تكريمي في هذا المعرض ، بالإضافة إني أخدت شهادة تقدير من كورسيرا بالعربي وأخدت شهادة من مؤسسة مصر الإبداع وأخدت شهادة من مسابقة  النجم الذهبي و شهادة مركز تاني في معرض كليه الآداب جامعة كفر الشيخ وكمان أخدت شهادة من محافظه كفر الشيخ وحصلت على ميدالية وشهادة من بيستاشيو آرت من دبي “.

6/ما أكثر أعمالك التى حققت نجاحاً باهراً ؟

” رسمة كانت فلسطين حرة التي شاركت بيها في معرض white rose 3 ولذا كانت سبب كبير في نجاحي مؤخراً “.

7/مين الفنان المشهور اللي نفسك تطور من مستواك للدرجة اللي توصل لمستواه؟

“مثلي الأعلي من بين الفنانين اللي نفسي ابقي متألق زيهم يحيي عبده ومحمد العطار ” .

8/مين الشخصية المشهورة اللي بتتمني ترسمها والرسمة توصلها شخصيا ؟

“من أمنياتي إني ارسم محمد صلاح ومني الشاذلي ويرفعوا رسمتي علي اي حساب شخصي ليهم علي السوشيال ميديا زي ماحصل معايا في سنة 2016 والفنان محمد رمضان رفع رسمتي له علي الأنستجرام ” .

9/يتنصح بأي الناس اللي لسه بتاخد الخطوة في إنها تطور من مستوي رسمها؟

“انصحهم بالتدريب المستمر وإنهم يتفرجوا علي كورسات من علي اليوتيوب كتير ويحاولوا يطبقوا كل خطوة بيتعلموها ويحاولوا يتجنبوا وقعهم في أي اخطاء وقعوا فيها في الرسمة السابقة “.

10/ أي أمنيتك المتعلقة بالمجال الفني ؟

” بحلم أن شغلي يوصل لناس أكتر وإن اطور من ستوايا أكتر وأكتر وإن أشارك ف معارض فنية كتير لإني بحب جو المعارض الفنية وكدا وبنبسط أوي وأنا بحضر لوحتي الخاصة بالمعرض وبكون مستمتع بكل دقيقة من وقتي ف الفترة دي وإني أكون من اكبر فنانيين الديجتال في العالم”.