الرئيسية » تحقيقات و تقارير » “تربية أحق بالتكليف” يجتاح تويتر للمطالبة بالتعيين ..”عامر” عانينا طويلاً ونطالب بحقوقنا..”عبدالرحمن عيد” نتائج الهشتاج غير متوقعة ونتمنى حلاً سريعاً

“تربية أحق بالتكليف” يجتاح تويتر للمطالبة بالتعيين ..”عامر” عانينا طويلاً ونطالب بحقوقنا..”عبدالرحمن عيد” نتائج الهشتاج غير متوقعة ونتمنى حلاً سريعاً

 

تقرير: نهى سيد

ظهر في الآونة الأخيرة هاشتاج “تربية أحق بالتكليف” وتصدر المركز الأول لموقع التدوينات الصغيرة “تويتر” في حملة دشنها طلاب وخريجي تربية حيث طالبو بعودة التكليف لكليات التربية والعمل بمجرد التخرج لأنها تعتبر من كليات القمة ولا تقل عن الطب والصيدلة والهندسة لما يلاقوه من جهد وتعب فالمعلم هو الذي يصنع المهندس والطبيب والمجتمع بأكمله.

وكانت الحكومة قد أصدرت عام ١٩٩٨ قراراً بإلغاء التكليف عن كليات التربية في وزارة التربية والتعليم وإستبدالها بإعلان مسابقات تعيين حسب حاجتها.

وتعتبرهذة الحملة ثالث الحملات بعد التي قام بها طلاب وخريجي صيدلة وطب بيطري.
ولهذه الأسباب التقت “المحايد الإخباري” مع منظي الحملة لمعرفة آرائهم ومطالبهم
حيث كانت البداية مع أحد مسؤلي الحملة ويدعى “شادي عامر ” ، طالب بكلية تربية جامعه الإسماعيلية فرقة رابعة قسم جغرافيا والذى تحدث قائلاً: ” أولا الهاشتاج مش مجرد حملة أطلقناها، ولكن هذه رؤية وأحقية لنا عانينا منها طوال السنين الماضية فيما يقرب من ٢٠ عاماً، بداية من ١٩٩٨ عندما ألغت الوزارة التكليف وأصبح بالمسابقات”.

وأضاف ” عامر “: يتأهل لمدة ٤ سنوات نفسي واجتماعي وميدان وتخصصي لمزاولة المهنة عمليا في أرض الواقع، أليس من حقه عند التخرج ان يصبح له مكانته التي تجعله صاحب بصمة في المجتمع.

ويستائل “شادى” قائلا “: لماذا يتم تجاهل ذلك والإعتماد على دبلومات تربويه لمن هم غير متخصصين ومؤهلين لمزاولة المهنة لمجرد الحصول على الدعم المادي من وراء ذلك وتجاهل مستقبلنا؟

وعن رأيه في عودة التكليف تحدث قائلا “: سوف نضع الشخص المناسب في المكان المناسب وبالتالي أنت كشخص مؤهل تربويا ونفسيا وسلوكيا واجتماعيا بالتأكيد وبالإضافة كل دا ذلك سوف يعود على الفئات العمرية بطريقة إيجابية سوف يتم أعدادهم بالشكل الصحيح السوي وكيفية مواجهة ما يعانون منه بطريقة جيدة لأنك معد لمثل هذه الأمور”.
وبسؤاله عن الرسالة التي يريد توجيهها لأحدي المسؤلين قال: ” بصفتي احد المسؤلين والمشرفين عن الحملة نحن لا نوجه رسالة لأحد بعينه ولكن نخاطب وزارة التربية والتعليم كيف تطلبون منا أن نكون اداة في النهوض بمصرنا الغالية وانتم تجعلون منا عاطلون؟

ومن جانبه قال: عبد الرحمن عيد طالب بكلية تربية الفرقة الثانية قسم تاريخ جامعة الفيوم وايضا احد مسؤلي الحملة بخصوص الهاشتاج قاءلا:”الهاشتاج بدأ من اربع ايام واتصدر تريند تويتر ووصل عدد التويتات فيه اكثر من ١٠٠الف وهذه نتيجة غير متوقعة” وعن رأيه في عودة التكليف قال:”طبعا انه سبب في نهضة التعليم وانه لايوجد نهضه ولا بلد بلا تعليم ولا تعليم بلا معلم فلما التكليف يتشال انا ليه هتجتهد وهحاول اطور المهنة وانا اعلم جيدا اني هخرج بلا جدوي” .

وبالنسبة لرأيه في ان الدولة ستستجيب للمطالب ام لا اكد علي انها سوف تستجيب بالفعل.

كما تواصلنا ايضا مع عبد الرحمن خالد محمد طالب بكلية التربيىة جامعة بني سويف قسم لغة فرنسية وايضا من مؤسسو الحملة ، وأبدي برأيه بخصوص فاعلية الهاشتاج واكد علي كلام زملاءه واتفق معهم في الرأي ووضح عدم رضاه ايضا عن التجاهل الذي يواجه الحمله والاعتماد علي المسابقات حيث في امكانها تشغيل فءه معينه وفءه اخري تعاني .

وتمني ايضا ان تستجيب الدولة لمطالبهم .

كما اضاف اسلام الحلواني طالب بكلية تربية واحد مسؤلي الحملة ايضا ان الهاشتاج احسن فكرة يقدرو يوصلو بيها صوتهم بدون شغب ولا مظاهرات وهذا بسبب تأثير السوشيال ميديا في الفترة الاخيرة وأن الهاشتاج قدر يجمع كل طلاب وخريجي تربية مت كل المحافظات في الوقت الذي يجب التجمع فيه ونصبح يد واحده واكد ان هذه الحملى كل سنه تظهر ولكنها اول مره تلقي هذا النجاح .


كما وضح الصعوبات التي تقف امام مطالبهم وهي كثرة عدد الخريجين ودا بسبب تنسيق كلية التربية الذي اصبح قليل جدددا بعد ماكان فوق ٩٠٪ والسبب التاني ان الحكومه اصبحت تعين خريجي معظم الكليات بعد أخذ سنه دبلومة تربوي ورافضين يلغوها لانها بمثابة دخل جيد لهم .

ووجه رسالة الي وزير التربية والتعليم قال”من وقت الغاء التكليف والتعليم اتدهور في مصر وكمان خرجنا من التصنيف العالمي للتعليم وده بسبب الاختيارات الخاطئة وتعين غير المؤهلين .

وايضاً شارك احد طلاب جامعة بنها برأيهم حيث ابدي مصعب اشرف وهو طالب بكلية تربية فرقة رابعة قسم انجليزي وأكد انه مع رجوع التكليف وقال:”من رأيي ان طلبة تربية هم الأحق بمهنتهم” .


واشار الي المتاعب التي تواجه طلاب تربيه وما يلاقوه من جهد وتعب حيث قال : انهم يتدربوا ويتأهلوا اربع سنين بيبقي كلهم تعب وشغل ومزاكرة عشان يبقو مدرسين كفء ومن المستحيل نقدر نقارن بين واحد درس علم اربع سنين بواحد درس سنة او اثنين “

ومن وجهه نظره ان بعد إلغاء التكليف قل قيمة التعليم واصبحت مهنة من لا مهنة له وبدأ المعلم يهمل التعليم ويهتم اهتمام تام بالعاءد المادي وإن برجوع التكليف ورفع اجور المعلمين هنشجعهم لانتاج وابراز اجمل ما لديهم.

واستكمل ا.إياد جمال احد خرجي كليىة التربية قسم لغة عربية ودرسات اسلامية وهو من مؤسسى الحملة ايضا وأبدي رأيه بخصوص رجوع التكليف وقال “انه بالتأكيد سبب في ارتقاء مستوي التعليم”واضاف” انا خريج تربوي مؤهل علميا وثقافياً واكاديميا ونفسيا وانا الاحق ان اقف في الفصل وادرس لطلابي مع القدرة علي استخدام طرق واساليب حديثة التي تواكب العصر ومن هنا تكون الطفرة التعليمية في تقدم وازدهار وارتقاء، وانا الأحق لاني ملم بالمناهج وكل شيء”

وبالنسبة لتوقعه لاستجابة الدولة قال :” ولما لا بل يجب ان تستجيب لنا الدولة ….نحن خريجي وطلاب تربيه واحق بالتكليف”
ولفت الانتباه الي الصعوبات التي تواجه الحملة وكانت ايضا اللامبالاه من جانب الإعلامين والمسؤلين واكد ايضا انهم لن يهدأو ويسكنو حتي يتحقق لهم مطلبهم.

شاهد أيضاً

ضبط ١٦٠ واقعة سرقة للتيار الكهربائى خلال حملات أمنية بقنا

كتبت/ زينب عبدالمنعم أبوعرب شنت أجهزة الأمن بمباحث قنا، حملات أمنية بالتنسيق مع الإدارة العامة …

27 تعليق

  1. حضرتك انا دخلت تربية عام قسم كيمياء جامعة المنيا بتنسيق 2012بمجموع97%علمي علوم يعن مجموعي ف تنسيق اي سنة اخري يدخلني صيدلة ،احنا مش داخلين تربية بمجاميع تافهة ،ولا ينفع يستهان بينا ولا ينفع نتساوي مع دار علوم وآداب وعلوم وزراعة 😣😣حضرتك مدرسين علوم ف مدارس بلدنا خريجي كلية زراعة😣😣كفانا رجوع للخلف ،لابد من الاساس السليم لكن يتم انشاء جيل سليم

  2. #نكليف_تربيه_حقنا

  3. #تكليف_تربيه_حقنا

  4. عندنا مدرسات في مدارس ف الجيزه شغالين بدبلوم معلمات ومدربة المدرسه شغاله بدبلوم صنايع واحنا خريجين كليات التربيه مالناش شغل

  5. #تكليف_تربية_حقنا

    • حضرتك انا داخله كليه تربيه عين شمس قسم البيولوجي بمجموع ٩٤٪ يعني مجموع علوم و فنون تطبيقيه و غيره من الكليات التانيه الي بيتخرجو يشتغلو علطول وداخله تربيه عشان حباها فعلا وعشان شايفه نفسي مدرسه شاطره في المستقبل باذن الله يريت تحسو بينا و تدونا ابسط حقوقنا مدرسه شهداء ابو صير ملياااانه مدرسات بدبلوم المعلمات و كذالك مدرسه الجلاء وغيره

  6. تكليف تربيه واجب

  7. تكليف تربيه حقنا

  8. #تربية_احق_بالتكليف

  9. انا رأيي الشخصي في حالة الكلية كده إني بشبهها بالتوكتوك او عربية اجرة اللي عاطل ومش لاقي شغل يروح يشتريهم ويشتغل عليهم
    بمعني اللي مش لاقي وظيفة ييجي ياخد دبلومة تربوية في كلية تربية ويشتغل بيها مدرس؟؟؟؟!!!!
    هل دا يليق بكلية هي أساس لا غني عنه من أسس الدولة؟؟؟!!!

    • ‏‎#تكليف_تربيه_حقنا
      ‎#الغاء_الدبلوم_التربوي
      “من سقط عليه الغرور فهو من اتباع الشيطان”، نحن لسنا مغرورين كما يزعم طلاب آداب والكليات الاخري ولكن من حقنا كتربويين أن نفتخر بكليتنا وأن نتمسك بحقوقنا بالتكليف لاننا مؤهلون لذلك بشكل نفسي وتربوي وتخصصي وأكاديمي، ومن حق كلية الآداب أن يفتخروا بما هم عليه أنا لا اعيبهم، ولكن! لا يأخذوا ما ليس من حقهم، فلكُلٍ مجالهُ.

  10. يعني انا دلوقتي كان طول عمري ابقي مدرسة ودخلت تربية بمجموع كبير وده لاني نفسي ابقي مدرسة وبعد ما تعبت اربع سنين واتخرجت من الكلية مليش اي مجال تاني اشتغل فيه غير التدريس وانا مش بقول اني بدور علي مجال تاني انا بالفعل بحب التدريس بس كليتنا مش زي الكليات التانية اللي ليها اكتر من مجال وبعد ما اتعب في الكلية واتخرج ويبقي نفسي اشتغل مهنتي الاقي ناس تانية تاخد مكاني اللي انا احق بيه وده لانهم عملوا دبلومة.. طب طالما كده خلوني اعمل دبلومة انا كمان وابقي دكتورة او اعمل دبلومة وابقي مهندسة طالما ان الشغل ملوش علاقة بالكلية.. او الافضل اننا نقفل كلية تربية لان كده كده اي حد من اي كلية ممكن يعمل دبلومة ويبقي مدرس ولانها مهنة من لا مهنة له نقفل الكلية

  11. #تربية_احق_بالتكليف

  12. احنا اساس المجتمع لما ادخل حصل ف التربيه العملى والموجه ينبهر بيع وميصدقش انى لسه طالبه يبقى لازم اخد فرصتى
    احنا بنطالب بحقنا بادب واحترام
    #تكليف_تربيه_حقنا

  13. تكليف تربية حقنا

  14. على فكره التكليف ده ابسط حقوقنا احنا لسه متخرجين مش نصرف ونتعب ونذاكر وفى الاخر نقعد فى البيت احنا بندرس 11 ماده فى الترم كلها مواد صعبه نزلنا تربيه عملى سنتين انا احق بالتكليف

  15. رجعولنا التكلييييييف ده من حقناااااا احنا ليه فى مصر مش بنقدر قيمه المعلم مع ان بره مصر بيقدروا المعلم اكتر من اى مهنه تانى
    احنا اجدر وعندنا كفاءه فى تخريج جيل ناجح فى الدين والدنياااااااااا
    وطول انتوا مش عارفين قيمه المعلم عمر البلد دى ماهتتقدم ولا تنجح

  16. #تكليف_تربيه_واجب

  17. ريهام سعيد شحاته

    حضرتك احنا الاقسام العلميه في تربيه مهدور بين مواد علميه وتربيويه وعدد المواد 13 ماده في الترم بنبدا اليوم من8 التربوي نخلص 6 المعامل ونتخرج نقابل امتحانات ومسابقات وورق وطوابير دا كله عشان الف جنيه فالشهر ومن الحكومه ولا نروح نشوف واسطه ونشتغل في مدرسه خاصه ب800 جنيه من غير تامين +المواصلات علي حسابنا طب نعيش ازاي .الغو الدبلومه التربيويه اعملوا مؤتمر زي الموتمرات بين الدول العربيه بس المرادي يكون بفايده وهاتولنا عقدات واكيد دا هيرجع بعائد مادي للبلد .قيدو المدارس الخاصه بتامين علي المدرسين ادرسوا حالتها شوفو بيحصلوا كام من كل طالب في السنه وبيدو كام للعلم فالشهر احنا ولاد مصر مش جايين من تل ابيب #تكليف_ تربيه_ حقنا

  18. تكليف تربية حقنا
    عوزين نشتغل بمهنتنا

  19. التكليف حقنا ومش هنتنازل عنو

  20. #تربية_أحق_بالتكليف

  21. كليه تربيه مش قليله ومعروف اد اى هى كليه صعبه وبندرس فيها تخصص وتربوى وبننزل تربيه عملى سنتين بنتعامل مع طلبه ومدرسين وبنشوف ان المدارس فيها عجز فى جميع التخصصات والتلامذه بتتظلم لان المدرسين اللى موجودين مش مكفين العدد المهول للطلبه فالفصول
    اللى مفيش شك فيه ان المدارس فيها عجز ومحتاجه مدرسين ومفيش اكفئ من طلاب تربيه انهم يتعينوا لو خلينا كل واحد فى مجاله هيكون احسن احنا كطلبه فى خلال الاربع سنين بنشتغل سكاشن تربوى مع المعيدين بنكتسب خبره كبيره جدا بجانب السنتين تربيه عملى يوم لم بنوقف ففصل بنثبت نفسنا مقارنه باى طالب كليه تانيه لا يفقه شئ فى العمليه التعليميه ولا يمتلك اى مهاره من مهارات التدريس احنا كطلبه كليه التربيه ملناش مهنه غير التدريس لو ماخدناش فرصه فيه ورجعلنا تكليفنا هنعمل اى اى فايدتنا ومن جانب تاني طلبه كليات اداب او زراعه او غيرها ليهم المجال بتاعهم ليه ياخدوا فرصتنا فالتدريس والتعيين اللى هى م شموجوده من الاصل وان وجدت ليه منكونش احنا احق بيها

  22. بندرس من 12 ل 14 ماده ف التيرم دا غير الحضور من 8 صباحا لحد 6 مساء وبننزل من السبت للخميس لو عليهم هينزلونا الجمعه كمان ..
    ودا غير معامله الدكاتره الفظه ال بنضطر نستحملها وف للاخر بيشيلونا مواد .. الكليه الوحيده النجاح من 60% وال يشيل ماده ف سنه تانيه بيعيد السنه ! وغير المواصلات وللغياب والحضور وف الاخر بتوع تجاره وآداب وحقوق بيتساوو بينا من خلال عمل دبلومه سنه ف تربيه .. وف الاخر تقولوا المدرسين غير مؤهلين للدراسه ليه يعني !!
    م انتو ال بتعملوا كده من خلال انكو تسمحو لناس تعمل دبلومه سنه وياخدوا مكانه .. طالما هي كدا م نعمل دبلومه سنه لكليه الطب ع شان نسد العجز ف الاطباء ..!
    #احنا_عاوزين_حقنا
    #طالب_تربية_يستحق
    #الغاء_الدبلوم_التربوي
    #تكليف_تربية_راجع
    #تكليف_تربية_لازم
    #تكليف_تربية_حقنا
    #تربية_تتطالب_بحقها

  23. تربية جامعة الزقازيق
    أتمنى بجد صوت كل واحد تربوى يوصل لأن والله اعرف مدرسة أكتر من نص مدرسينها واخدين دبلوم وبيدرسوا للطلاب أههههم مواد يعنى مش حتى رسم او العاب او مكتبة لا مواد أساسية وتراكمية لما بقت المدرسة مشهورة بالفشل وسقوط الطلاب أتمنى المشكلة دى تنحل من اى مدرسة فيها كده
    أماعن التكليف فلو لم يكن لطالب تربوى درس مواد تربوية ونفسية تؤهله للتعامل مع نفسية وعقلية الطالب قبل تعليمه فمجتمعنا فى اتجاه الهاوية واتمنى تربية يكون تنسيقها عالى ليكون المدرس أعلى من الطالب عقليا وعلما وأن يرتقى مجتمعنا بمستوى المدرس ويجعل له مكانة أعلى مما هو عليه الآن مثل باقى الدول

  24. أزاى فى كليه زى تربيه مناهجها بالصعوبه دى والكم ده غيرالحضور اليومى والشيتات والشغل العملى مهارات حركيه وموسيقيه وفنيه والتدريب الميدانى فالمدارس ونبقى غير مؤهلين وتختزلوا مرمطه ماديه ومعنويه لاربع سنين بسنه واحده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*

%d مدونون معجبون بهذه: