الرئيسية » أدب » على اسم مصر

على اسم مصر

بقلم : جيهان الجارحي

على اسم مصر التاريخ يقدر يقول ما شاء
أنا مصر عندي أحب وأجمل الأشياء
مش ده كلامك يا صلاح ؟ تقدر ترجع اللي راح
وتشفي قلوب عليلة ، م الهم ما بترتاح ؟!
كتبت عن مصر المحروسة ، بلد النيل والأزهر والسيدة نفيسة وسيدنا الحسين
والمشية ع الكورنيش ساعة عصرية ، ومآذن تنور وقت الفجرية
والحلوة م الصبحية طالة م المشربية ، وقلة المية السقعة ، إروي ظمئك يا صبية

فول وفلافل وحكاوي القهاوي ، اللمة تحلى والقمر يلالي
واللا شهامة ولاد البلد ، لو حد بص لواحدة ، ينسى يوم ما اتولد
وعايزنا نرجع زي زمان ؟ قول للزمان ارجع يا زمان
وهات ناس تانية فاهمة الدنيا ، حكم الدنيا ناس ألماظ وناس ألمونيا

بلد الألف مئذنة ، كان فيها الخير ل 100 سنة
مصر كانت الحب والخير والفرحة والهنا
دلوقتي قلوب الناس مش راضية ، ومساجد كتير فاضية !
وحشنا كلامك يا صلاح ، تعال رجع اللي راح ، واشف قلوب عليلة ، م الهم ما بترتاح
فوق صفحتك يا نيل ، أداوي جرح الليل
أنده وأقول يا صلاح ، أسمع أدان الفجر ، حي على الفلاح .

شاهد أيضاً

براءة مشجع نادي الاتحاد السكندري «عادل شكل»

كتب/مهند كرم صرحت محكمة جنح سيدي جابر بالإسكندرية، اليوم-الأربعاء، ببراءة عادل شكل، كبير مشجعي نادي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*