اكرامي السبكي : “أول فيلم هيكون فيه نجوم شباك كتير قوي …. تم التعاقد بين شركة إكرامي السبكي وبين شركة جودى مطر لإنتاج شغل عالمي”

حوار : مروة مصطفي

حدثنا عن افتتاح المكتب الجديد بلبنان؟

بدأت في شغلى في انتاج أغاني المهرجانات و بدأت تسمع وتطلع برة وتتعرض في قنوات لينا فضائية والتليفزيون يتكلم عنها لحد ما وصل لصديقي المخرج والمنتج حسين علاء الدين الى هو صاحب شركة جودى مطر السورية اللبنانية والمنتج بسام مطر لهم أفرع في جميع أنحاء العالم ، والمنتج بسام مطر شخصية محترمة جدا هو سورى الجنسية والمخرج حسين علاء الدين مخرج ومنتج لبناني الجنسية فتم التواصل بيني وبينه وتم التعاقد بين شركة إكرامي السبكي وبين شركة جودى مطر الشركة بتاعتنا هيكون الشغل عالمي شغل عربي شغل شرقي متخصص في كل حاجة افلام ومسلسلات وبرامج ميديا شاملة ومش هنعتمد على النجوم الكبار، لا احنا هنجيب نجم او اتنين شباك وهناخد المواهب الى لسة طالعة
في ناس كتير جدا اصواتها حلوة وفي ناس كتير بتعرف تمثل بس الظروف المعيشية مش قادرين يوصلو احنا ممكن نشيل دا كله والشركة تشيل تكاليفه كله ونعمل كل حاجة .

وعندما تم الاتفاق خرج المخرج والمنتج حسين علاء الدين في بث مباشر من لبنان من بيروت من الشويفات قدام بنك البحر بالمكتب الجديد الى تم تجهيزه حاليا طلع وقال قبل ما يكون هو شريكي هو اخويا وحبيبي ويجمعنا عشرة فعلا من قبل كدا وتم تصوير المكتب وكل حاجة وتم التجهيز للمكتب مش باقي غير الديكور .

ما هي طبيعة الافلام هل ستكون لبنانيه فقط؟

لا هناك بروتوكول مصري لبناني وعلى مستوى العالم وتم نقل المعدات من لبنان لمصر وفواتير الجمرك موجودة وباسم الشركة
حصرى مكان الشركة هيكون في التجمع الخامس فيلا في قرية هيلز هيتم افتتاح الشركة بتاعتنا في قرية هيلز بإذن الله على الايفينت بعد إدارة أعمالنا كلها لدينا أحدث المعدات المانى وجايبين كاميرات طيارات هيبقى معانا فريق عمل كامل متكامل بصيانة بمكتب الشركة بتاعتنا وهيبقى فيها جميع تخصصات الميديا يعني مثلا في مهرجان ايجي فاشون محتاجين بنات موديل ومحتاجين ميكب ارتيست كل دا هيتم تحت ادارتنا احنا .

متى يبدأ التعاقد ع الافلام؟

بعد الكورونا احنا سمعنا ان الحظر هيتفك يوم الجمعة هنبتدى بإذن الله من يوم الاحد في مصالح حكومية هتشتغل هنبتدى في الترخيص بتاع الاوراق ويتم العمل على طول .

وماذا عن اول فيلم في الشركة؟

مش حابب احرق الفيلم وعايز يكون مفاجأة بس الى اقدر اقوله ان هيكون فيها نجوم شباك كبيرة اوووى وانا هكون انتاج ومعايا انتاج واخراج حسين علاء الدين وممكن يشترك معايا المخرج جودى مطر .