وجه الفنان تامر حسني، رسالة إلى جمهوره يحث فيها على بر الوالدين، مؤكدا أن فقدان أي من الوالدين يوثر بشكل كبير على اي شخص.
وكتب عبر حسابه الرسمي على موقع إنستجرام:” ناس كتير بيتمنوا مكالمة من اي حد عزيز مش موجود، ياريت نحب أهالينا ونهتم بيهم بأكبر قدر ممكن في حياتنا، هما السبب في وجودنا، هما اللي حرموا نفسهم من حاجات كتير عشانا”.
وأضاف:”ادعو للي مش معانا منهم واحضنوا اللي معانا منهم، ونهتم بيهم ونعوض صبرهم وتعبهم معانا، من واحنا صغيرين بأفعال جميلة ونجاح وكلام يطيب خاطرهم ويطمنهم، ارحموهم عشان أولادكم لما يكبروا يرحموكم”.
تامر حسني يحي حفلا غنائيا في الإسكندرية
ويستعد المطرب تامر حسني، لإحياء حفل تخرج طلاب الثانوية العامة دفعة 2022، يوم السبت الموافق 24 سبتمبر من الشهر الجاري، في فندق جولدن جيويل بالإسكندرية.
تامر حسني يقدم نصائح للأهالي للتعامل مع الجيل الجديد
ويذكر أن، تامر حسني، قدم عدة نصائح للأهالي، حول كيفية التعامل مع الجيل الجديد جيل السوشيال ميديا.
وقال:” الجيل الحالي فعلا بيوجه فترة صعبة من التخبط واحنا على الأقل لحقنا جيل أهالينا الطيبين، وجيل الجيران الرحيمة والصداقات البريئة واحترام الآخر أيا كان مين، الجيل اللي عملنا لو ست كبيرة راكبة مواصلات وملهاش مكان، نقف احنا وهي تقعد”.
وتابع:” الجيل الحالي اتولد لقى العالم كله باصص في حياته وبيحكم عليه من خلال السوشيال ميديا، بلا رحمة ف اضطر يبقى شبهم ويعمل زيهم، جيل مش عارف يبقى في حاله ويركز لنفسه ويقرب من ربنا، عشان كدا من ضمن الحلول أن ولادنا يحلموا بالنجاح والطموح بدري”.
وأكمل:” لكل الأهالي اتمنى تشغلوا اطفالكم من الصغر في اي اهتمامات إيجابية، دوروا جواهم هتلاقوا، ولو ملقيتوش ساعدوهم يلاقوا بالتوجيه لاي اتجاه رياضي، علمي، فني يشغل تفكيرهم في الايجاب، عشان ينفدوا من اللي بيحصل من تفكك مجتمعي وافكار قذرة والاخبار السلبية المحاطين بيها 24 ساعة من السوشيال ميديا”.
واختتم:” لازم نعملهم الاستخدام الإيجابي الصح للانترنت والسوشيال ميديا، والبحث عن كل ما هو نافع ليهم عشان كدا قيمة الوقت مهمة، اللي هنعمل فيها كل دا نبص للوقت أنه مهم اوي زي الفلوس واهم، لان الوقت دا الفترة اللي بنفكر فيها وبنشتغل فيها عشان تكسب، يعني هو أهميته قبل المادة معقول لو الوقت فلوس هنرميه كدا وهنسمح لولادنا يهدروه كدا ؟”.
آخر أعماله
ومن جهة أخرى، يعرض حاليا للنجم تامر حسني، فيلم بحبك الذي حقق نجاحا كبيرا فور طرحه في دور العرض السينمائي، والذي حقق إيرادات عالية تخطت ال 52 مليون جنيه.
وشارك في بطولته هنا الزاهد، حمدي الميرغني تميم عبده، هدى المفتي، مدحت تيخا، وهو من تأليف وإخراج تامر حسني، مونتير عمرو عاكف، مدير التصوير أحمد عبد القادر.
وتدور أحداثه حول حياة شاب يخوض قصتي حب، ويتخبط بين فتاتين، ويقع في حيرة بينهما، حيث تظهر حبيبته السابقة في حياته قبل زواجه من فتاة أخرى بأيام، والتي اختفت لأسباب مرضية دون علمه.