متعددة المواهب هدي عبد التواب

هدي عبد التواب التابعه لمحافظه الفيوم تبلغ من العمر 22 عام في الفرقه الثالثه بكلية التربية النوعيه قسم فنيه جامعة الفيوم.

 

تقول هدي عن بدايتها “بدأت ارسم ف اول 3 ثانوى كنت بخرج كل طاقتى ف الرسم .اول بدايه ف الرسم كنت بقلد صور كرتون ومانديلا وكان رسمي بسيط جدا .

 

بدأت اشوف صور رسم وارسم زيها ومع الوقت حسيت اني مستوايا بيتحسن فيه بسرعه .

وقفت رسم بعد ما بدأت 3 ثانوي بشويه علشان الدروس والمذاكره .

وكنت مخططه ف 3 ثانوى انى ادخل كليه فنون جميلة وان مجموعي مجبهاش ادخل كليه تربيه فنيه .

 

وبالفعل اول ما خلصت 3 ثانوى روحت امتحنت اختبار القدرات بتاع الكليه .كان قبل ما نتيجه الثانوية تظهر .وبالفعل نجحت ف الاختبارات

واتقبلت في الكليه ودايما بجيب ف المواد العلمية امتياز او جيد جدا واغلب المشاريع اللى بعملها بتدخل معارض.

 

مش بدرس ف الكليه الرسم وبس انا كمان اتعلمت الشغل اليدوي زى النحت بالورق ونحت

بالطين الاسوانى وكمان بمسك المنشار واعمل سلسة بالنحاس غير شغل النسيج يعتبر بدرس اي حاجه ليها علاقة بالفن

 

دا غير المواد النظرية للناس اللى مفكره ان كليتنا سهله وكلها رسم بس هي كليه

ممتعة ومتعبة ف نفس الوقت طموحاتى ان يكون ليا معارض خاصه اول ما اتخرج او اشارك بلوحاتى برا البلد.

وعن الادوات الخاصة بمجال الرسم قالت هدي كنت أوفر من مصروفي واشتري الادوات واحيانا بابها بيشتري ادواتها اللي بتساعدها علي انها تخرج الطاقه الجبارة في الرسم وتخرج لنا هذا الفن الرائع.

 

وتتميز الفنانه هدي عبد التواب بالعديد من المواهب في مجال الرسم منها ( النحت الورقي- الرسم علي الجدران )

القيام بالاعمال اليدويه الرائعه( بالخشب_الورق الملفوف_ الجلد _ النحاس) والعديد والعديد من الأعمال الرائعه التي نستعرضها بعد قليل .

 

وبرغم كل هذا المواهب الراي تتميز بيها الفنانه هدي عبد التواب .إلا أنها لم تأخد اي كورس في هذا المجال .وكانت تقول:”اغلب الناس بتسالنى انتِ اخدتى كورسات فين

 

والحقيقة انى مباخدتش كورسات لا اكاديمه او اون لان او غيره كل اللى بعمله انى بمارس الرسم كتير وبرسم كتير طبيعي مع التدريب الكتير رسمي يتحسن واحيانا

 

بستعين ف النت ف انى اشوف رسمه هى بتتعمل ب ألوان اية وازاى وبخلى عندى دايما فكرة ان الفنان ميقلدش كوبي بيست لازم تبدع وتغير ف الحاجه اللى بتعملها وتحط لمساتك عليها”

 

كما ذكرنا اننا سنقوم بعرض بعض من اعمال الفنانه هدي عبد التواب ومع رأيها في كل قسم منهم وايهما تفضل عن طموحها في المستقبل .

 

أولا الاشغال اليدوية.

وقالت: هدي عنها”الاشغال دى متعبة جدا هي تبع الكل وبتاخد وقت بس ف الاخر بنطلع بحاجات حلوة”

 

 

ثانيا النحت الورقي:

وقالت عنها هدي “النحت الورقي اكتر شغل حبيته وحسيت انى اسمتعت لما اشتغلت فيه وشاركت فيه بمعرض ف الكليه واتكرمت عليه”

 

 

 

ثالثًا: الرسم بالالوان علي الحيطان.

“بحب الرسم على بالالوان اوى ومكنش ينفع اسيب الحيطه فاضيه والألوان قدامى.

اتعلم ازاى اصبخ وألوان القماش الابيض او الحجاب ف الكليه والشغل بالطين الاسواني متعلماه ف الكليه وعملت طفايات كتير بيه.

 

والحاجات اللى انا حبيتها اجربها هي التابلوهات بالصور وعمل الألبوم اعمل مره جربت اعمله كان لصحبتي وعجبها اوى ومن وقتها بقيت اشتغل فيه

 

واعملت كذا اوردر وبللنسبه بقي للفوانيس اللى بالكرتون شوفتها على النت وحبيت اجربها وطلعت حلوة واغلب الحاجات اللى بشوفها بحب اجربها اوى”

 

 

 

وكمان قالت هدي انها بتحب ترسم رسمات من وحي خيالها .واذا تفذت فكره قديمه بتحط عليها لمساتها

 

 

وبالنسبه للرسمات دى يعتبر من اكتر الرسمات اللى بحبها لانها بالألوان

مثلا رسمه عجبتنى على الفيس او غيره احيانا باخد الاوت لاين بتاعها والونها على مزاجى واحيانا بطلع احلى من اللى شوفتها.

 

 

واما عن الشئ التي تتميز بيه هدي رغبتها واحلامها اللتي تأمل تحقيقها في المستقبل هي:

اكتر حاجه بميل ليها ف الرسم هى الالوان اى حاجه خاصه بالألوان بعشقها لانى بحب تنسيق الألوان اوى

حتى من صغري فيا النقطه دى ودايما اللى حوليا بيقولي انى بعرف انسق الألوان ف لبسي وانه شيك على طول دا بس من حبي ف الالوان.

 

 

 

بطمح انى اكون ف المجال دا مهندسه ديكور بعد ما اتخرج اخد دبلومه الديكور واجتهد لحد اما ابقي مهندسه ديكور واتعرف ب شغلى واجتهادى.

بالتوفيق والسداد للفنانه القادمة وبقوه هدي عبد التواب.