يانهار الشوق على أجمل ناس…تامر حسني يخطف أنظار متابعيه

كتبت/حنان جبل

خطف الفنان تامر حسني أنظار الجمهور بصورة له عبر مواقع تبادل الصور والفيديوهات الانستجرام وعلق بجانبها قائلاً:”يانهار الشوق على أجمل ناس،الصورة دي من تصوير اعلان جديد ليا بس تعنيلي كتير اوي”.

وتابع قائلا:” عشان كدا حبيت اكلمكم عليها وبعد ماأخلص كلام هتتأكدوا أنها تعنيلكوا انتوا كمان، من سنين كنت مكان الاطفال الجميلة دول بدرس موسيقى هنا في الكونسيىر فاتور،ولما كان يدخل علينا فنان مشهور كنا بنفرح اوي،ويبقا عندنا حالة ذهول،وكنت بقول يارب في يوم من الايام انجح”.

وتابع أيضاً قائلاً:” ادخل نفس الدخلة دي وانا فنان مشهور واشوف نفس النظرة الجميلة في عيون التلاميذ،الحقيقة انا لما دخلت عليهم شفت نظرة أكبر بمليون مرة من اللي حلمت بيها،نظرة حب وبكاء ومثل أعلي وأسألة كتير منهم عن مشواري وفضلت يوم كامل احكيلهم”،حيث قال:”هقول حاجه وكل واحد يقيسها على مجاله،أكتر حد هيحب المعني اللي في الصورة وهيتمناه وهيتعب هو أكتر واحد هيوصل،نهاركم جميل زيكم”.

وعلق أحد متابعيه قائلاً:”للمرة المليون انت الامل والسعادة والطاقة الإيجابية،صباحك قمر ياروح قلبي،وحقيقي يابخت الاطفال اللي الفرحة باينة في عيونهم،وبإذن الله هنبقى مكانهم”.

يذكر أن كشف النجم المصري، تامر حسني، عن بعض تفاصيل حفل افتتاح كأس العالم لكرة اليد “مصر 2021” التي تنطلق فعالياتها قريبا في العاصمة المصرية القاهرة.