تامر حسني يقدم نصائح لجمهوره حول مجاهدة النفس..فما هي؟

تامر حسني يقدم نصائح لجمهوره حول مجاهدة النفس..فما هي؟

وجه الفنان تامر حسني، رسالة لجمهوره ومتابعيه، الذين يعانون من ظروف سيئة في حياتهم، يحثهم فيها على مجاهدة النفس، فهو يحرص دائما على تقديم النصائح لهم من وقت لآخر.

الفنان تامر حسني يوجه رسالة لجمهوره

وكتب تامر حسني، عبر حسابه الرسمي على موقع التواصل الإجتماعي فيسبوك:” يوم جميل على الجميع كالعادة مش بعتبركم محبين فقط لا أنا دايما بشوفكم ناس من أهلي حتى لو بعضكم معندوش الإحساس دا تجاهي، أنا بقى عندي تجاهكم كلكم الإحساس دا، ودا احساس ربنا زرعه فيا معرفش ليه ومعرفش ليه زرعه فيا بالقوة دي، عشان كدا اقسم بالله اي خير بعرفه بحب انقله ليكم فورا”.

الفنان تامر حسني

وأكمل:” كنت بقرأ موضوع مهم اوي بما إني مجنون قراءة وسماع حبيت أكلمكم عنه وهو  مجاهدة النفس..واثق إننا كلنا بنمر بظروف ومؤثرات وأفكار بتغير حاجات جوانا في ناس بتغيرها للأفضل وفي ناس للأسوأ”.

وأضاف:” وكلامي لكل شخص حاسس من جواه إنه متضايق وعنده خطأ في فكره أو عقيدته وقناعته أو عادة سيئة ومعصية ثابتة مش عارف يتخلص منها أو صفة في شخصيته مش كويسة وفاقد الأمل في تصليحها”.

5 نصائح لمجاهدة النفس

وتابع:” عشان يصحلها ويتغير لازم أول حاجة يعترف بيها قدام نفسه وميقاوحش ويبرر وجودها لازم يشوفها يبقى:

١- يعترف بيها قدام نفسه.

٢- تاخد قرار حاسم في بدء الإقلاع عنها.

٣- تدرس المقابل لها في الصالح وتسعى في اتجاهه.

٤- اختار أصحاب صفاتهم بعيدة عن هذه العيوب والعادات المشابهة.

٥- اصبر على نفسك في التغيير يعني لو اخدت قرار ورجعت فيه مش معناه انك فشلت لا خد القرار تاني حتى لو فشلت في الإصلاح 100 مرة عادي كمل في قرارك على التغيير والتطوير.

آخر أعماله

ويذكر أن، آخر أعمال النجم تامر حسني، فيلم “بحبك” الذي حقق نجاحا كبيرا فور طرحه، والذي يعد أولى تجاربه في الإخراج.

وشارك في بطولته عدد كبير من النجوم، منهم : هنا الزاهد، حمدي الميرغني، هدى المفتي، مدحت تيخا، عالية راشد وهو من تأليف وإخراج تامر حسني.

 

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *