أحمد رمزي شاب بالرغم من صغر سنه إلا أنه يساير التطور الذي يحدث في العالم من تكنولوجيا، وقد ظهرت مسايرته هذه في تألقه في نوع جديد من الرسم يحتاج إلى الكثير من الإبداع والدقة وليس يحتاج إلى فرشاة ولوحة فقط، وهذا النوع الجديد يُدعي الفيكتور أو كما يقولون الرسومات الحاسوبية، من خلال حواره مع جريدة المحايد الإخباري قد كشف لنا أبرز التصريحات حول حياته وهوايته.
أنا أحمد رمزي عندي 17 سنة من محافظة الإسكندرية، طالب في الصف الثاني الثانوي .
بدأت أرسم فيكتور آرت من حوالي سنة و نص و كانت بداية مش أحسن حاجه أكيد بس واحدة واحدة بقت تظبط معايا و اتفرج على فيديوهات كتير علي اليوتيوب عشان اتعلم منها أكتر، اليوتيوب حالاً تقدر تتعلم من عليه أي حاجة تتخيلها موجودة عليها فيه، أنا المستوي بتاعي اتطور لما اتفرجت كتير و شوفت رسومات كتير و نفذت كتير بقيت أغلط مره و أتنين و تلاتة و اتعلم من الغلطة دي و اشتغل عليها و اعالجها.
دراستي لحد حالا ملهاش علاقة بشغلي بس نفسي اخش كلية فنون جميلة قسم متخصص بالجرافيك و الخدع السينمائية.
و أنا صغير كنت بحب ارسم بالورقة و القلم و اشخبط عادي زي أي طفل بس كبرت مبقيتش حابب الرسم بالأيد، وبقيت دلوقتي بفضل إن كل رسوماتي تكون فيكتور آرت و بوب آرت و ساعات فلات آرت دول المفضلين عندي.
من أكتر المواضيع اللي بحب ارسمها صور للرياضين عشان ليهم جمهور كبير و بيساعدوني لما أرسم حاجه جديدة ليهم
أكتر رسومات فعلاً بحبها رسمة بيج رامي و محمد صلاح و النجم البلجيكي فاندام و حاوي النادي الأهلي وليد سليمان و رسمتي وقت أحداث حي الشيخ جراح بفلسطين الحبيبة
أكتر لوحة أثرت في مشواري وسببت نجاح كبير ليا بعد توفيق ربنا كانت لبطل مستر أولمبيا بيج رامي كانت بأسلوب البوب ارت و بيج رامي نزلها عنده علي انستجرام يومها و حققت نجاح كبير الرسمة و شكرني عليها و دعمني جامد جداً هو و رابر أسمه أحمد بسيوني و ماما و بابا دعموني جداً بعد الرسمة دي.
مش هعرف أحدد بالظبط ايه ال بيميزني عن غيري عشان ممكن حد يقول تكبر أو نرجسية بس أنا بحب أسلوبي في رسم طبقات الوش و التنفيذ و الأسلوب اللي بشتغل بيه.
انا مشاركتش قبل كدا في اي معرض فني، وكان نفسي أشارك في معرض برسوماتي السنة الفاتت بس معرفتش بسبب ظروف الكورونا.
الرسمة اللي بتمني إنها توصل لصاحبها هي رسمة محمد صلاح الأخيرة اللي رسمتهاله بعد ما سجل 100جول مع ليفربول في البريميرليج نفسي إنه يشوفها و ينزلها عنده.
فيه أكيد رسامين فيكتور أجانب نفسي أوصل للمرحلة بتاعتهم بس فرق إمكانيات و خامات مش مساعد أوي، بس أن شاء الله هوصل للمستوى ده في يوم من الايام .
بالنسبة لرسم الفيكتور نفسي أوصل لمستوى أنك متعرفش تفرق بين الرسمة و الأصل الموضوع صعب شوية بس بتمنى من ربنا اني احققه، و عايز بردو اقفل 500رسمة ف خلال أول تلات سنين، رقم كبير اه بس هقدر احققه إن شاء الله، وإني اقدر اجتهد في ثانوية عامة وادخل كلية فنون جميلة.
تتسائل الأمهات عن طرق صحية لتلوين البيض في شم النسيم، حيث يأتي شم النسيم بألوانه…
لُعبت اليوم الجولة الرابعة والثلاثين من الدوري الاسباني وضمت الجولة لقاءات حاسمة سواء بالنسبة لحسم…
تطرح وزارة الإسكان والمجتمعات العمرانية وحدات سكنية للشباب الأعزب والمتزوج في مبادرات الغرض منها توفير…
استضاف نادي مانشستر سيتي على ملعبه الاتحاد نادي ولفرهامبتون ضمن مباريات الجولة السادسة والثلاثين من…
اوميجا 3 من الأحماض الدهنية غير المشبعة، وله فوائد صحية عديدة حيث يعتبر أوميغا…
استضاف مساء اليوم نادي جيرونا على أرض ملعبه نادي برشلونة في ديربي كتالوني ضمن منافسات…
This website uses cookies.